停車熄匙有豁免?
最近香港受持續高溫天氣影響
好多車友都關心到底酷熱天氣底下,停車唔熄匙涼下冷氣係咪都係違規呢?
其實停車熄匙條例都有為市民考慮到相關的情況,係特定情況下係可以豁免㗎!
根據 香港法例第611章《汽車引擎空轉(定額罰款)條例》第6條,環境保護署署長授予的豁免:
當酷熱天氣警告或黃色、紅色或黑色暴雨警告訊號生效時,直至這些警告終止生效當天的午夜期間的所有車輛及司機,均容許豁免遵守停車熄匙規定。
所以而家咁熱唔使係架車入面焗桑拿,開冷氣、飲多啲水、降下溫避免中暑同熱衰竭啦!
四大車內降溫大法
香港夏天咁熱,又唔係到到都有室內停車場
露天泊車俾太陽曝曬完架車真係熱到可以煎牛扒!
有咩方法可以幫幫手?
而家就教下大家4個可以令車內降溫嘅方法啦
1. 對流法
打開車窗/同時將4道車門最大限度咁打開,匀速咁開閂駕駛室車門5次
根據日本研究空氣力學嘅教授解釋,呢個方法係用車門將外面嘅冷空氣撥入去換走車入面嘅熱空氣
淨係打開車窗,8秒都可以換走到大約20%嘅熱空氣
打開曬4道車門嘅話,8秒可以換走到80%嘅熱空氣添!
2. 冷氣+開窗
將冷氣開到最大,開外迴圈,同時開曬所有車窗同天窗
咁樣可以保持車內通風,令車內外嘅冷熱空氣可以置換
1分鐘之後就可以閂返曬啲窗同天窗,較返做內迴圈同較返細個冷氣啦
3. 噴霧降温法
市內上都有唔少嘅車用降溫噴霧,只要對住想降溫嘅地方噴就得啦
原理係噴霧入面嘅液態二氧化碳係昇華成氣態嘅時候會吸收大量嘅熱
如果覺得降溫噴霧太貴都可以用1:3嘅酒精同水稀釋酒精代替,都有一樣效果㗎
#噴完唔好即刻食煙啊!
4. 天窗負壓
閂曬門窗淨係開天窗,以20km/h低速行駛
靠車行駛嗰時氣流係車頂快速流動形成車內負壓,將車內空氣抽出,再將新鮮空氣補充入去
但呢個方法嘅效果冇1-3咁好